香港新浪網 MySinaBlog
« 上一篇 | 下一篇 »
Dozy.第一桶金 | 13th Feb 2016 | 一般, 財富@價值世界 | (1291 Reads)
不吐不快!
先此聲明,本人不是支持政府,不是反對爭取民主,
只是不贊成用暴力而已!

暴力行動是偶然衝突?還是有預謀?
(1) 當日行動者的主要武器是地上拆下來的磚頭。
大家試吓赤手空拳撬兩塊磚出嚟睇吓...筆者真係冇計!
如果唔係早有計劃,帶齊架生,點做得到?
(2) 凌晨三、四點,同一時間,數百個戴口罩的人士
發難!
點解半夜會咁多人戴口罩出街呢?流感爆發?
磚磚有力!邊忽似感冒呢?冇感冒做乜帶口罩出街?
部份人唔止有口罩,仲有風褸、Logo,咁都唔係有計劃?


很多朋友不認為暴力行動有問題...
M:好多國家反政府行動更暴力,甚至有搶劫等!

筆:你意思係...只要搵到一個國家比你更暴力,你的暴力就合法了?例如你找到有些國家容許男人打老婆,事實上真係有,又俾你搵到單新聞,某暴躁男子每天摑老婆十巴掌,都冇俾人拉。你就可以說,你只是每天摑老婆七巴掌,遠不及外國,所以就合法了嗎?

M:當年滿清腐敗,孫中山都係用暴力推翻滿清!
筆:竟然用孫中山同黃之峰、黃台仰比?唔係化?
當年孫中山得到大部份人支持,今次行動有幾多人支持?
行動者口號不是說...唔使理人點睇,自己認為啱就得?
當年食唔飽,著唔暖,為求溫飽,不惜拋頭顱灑熱血。
今日呢?係咪要去到用武力解決?市民願唔願意犠性?

F:未來是屬於年青人的,他們為理想,值得支持!
筆:未來...是屬於年青人的,但不是現在呢!
今天年青人掟磚、燒垃圾,十年後呢?仍會做這事嗎?
看見組織召集 12 至 17 歲的熱血軍,為乜呢?
就係貪佢哋細個,容易受人影響,就算唔掟磚都反叛!
今天的暴力行動,是否已經過深思熟慮?還是鬼揞眼?
大部份人都認為政府確實有很多不足,但不致於要使用暴力,如果到你三十歲的時候都是這樣想,才犠性吧!